co-admin
المجموعة: Co-Admin
المشاركات: 4,336
التسجيل: 22-April 06
رقم العضوية: 44
Mob4uS { Dot } CoM
Put Your Ad Here
Your Ad Here
مشكلة البلد دي مش ان فيها فساد في الحكومة ... دا موجود في معظم الدول
مشكلتنا ان حتي المعارضه فاسده
كتير اوي قالولي ابعد عن السياسه في النت
بس انتو عارفين دلوات الطفل بينزل من بطن امه بيتكلم في السياسه
بداية الحوار دا ان كان اليومين دول في اخبار كده عن اعتصام في المحلة من عمال شركة المحله الكبرى
قريت في جريده معارضة من الي بتعمل اعلاناتها في الاهرام من تحت دي ان العمال عاملين مظاهرات جامده ورافعين لافتات لا لمبارك ولا لجمال ولا للتوريث والكلام الكبير دا
المهم يعني محسوبكم العبد لله محلاوي ورحت المحله امبارح في زياره عائلية فبسأل ابن عمي هو كل دا حصل
قالي ولا حاجه من دي ولا اصلا جابو سيره مبارك
هم بس عملو الاعتصام عند الشركه وكان السبب ان حصل سوء فهم من العمال لموضوع كده فكانت شراره الاعتصام
الي عملوه انهم عملو نعش وحطو عليه اسم رئيس مجلس الاداره ( الراجل دا مسكها بقاله سنه بس وعقبالكم بني دلوات برج فاخر من 14 دور .. راجل مجتهد )
واعدو يلفو بالنعش دا
يعني من الاخر طلع كلام الجريده اونطة
الحوار دا فكرني بمقالات كتير منشتات ومواقف من المعارضه بتاعتنا تخليها فعلا فاقده مصداقيتها
كتير اوي من الصحف والمدونات السياسية المعارضه يعدو يختلقو مواقف وحاجات يعترضو عليها
تحس ان المعارضه عندنا مجرد هدف وغايو وليست وسيلة
يعني لما نائب في المجلس يكون من احسن نواب المعارضه والناس بتحب تتفرج علية في المجلس لانه كان بيبهدل الحكومه
وعمل حزب عمله حفله اتكلفت مبلغ خيالي ولما سئلوه قال ان دي فلوس الكام الف عضو الي عندو هم الي مولوه
شويه وطلع انه مزور التوكيلات دي وان معندوش كل الاعضاء دي .. اه الحكومه اكيد ساعدت في اسقاطه لاكنه بالفعل مزور
كمان الي متقالش .. لما كل الاعضاء دول طلعو مزورين امال مبالغ الحفله الي قال انها من الاعضاء جت منين او بمعني تاني عشان محدش يقول بنقر عليه
هل يستاهل انه يعمل حفله بمبالغ ضخمه كده وهو المفروض ضد الفساد
خبر تاني في رمضان عن حزب العداله الاجتماعية .. اسم جميل جدا اسم الحزب
حزب العدالة الاجتماعية كسب قضية فاحتفل بالانتصار فانه عمل حفله للاعضاء وطبعا ناس تانيه .. حفل افطار ساهر علي افخم مركب عائم في النيل
هي دي العداله الاجتماعيه
الاخوان .. طبعا الكلام هنا مش هيخلص .. بس المهم يعني
انا واحد من الناس رحت رشحت واحد الاخوان عن الديره بتاعتي وبالفعل كسب
مش رشحته حب فيهم انما عشان يكونو شوكه في حلق الحكومه وقلت هو دول الي صوتهم هيعلى في المجلس
بس مش عارف هو انا الي ودني وجعاني ولا هم جالهم برد فصوتهم مش طالع .. او علي الاقل عندنا في مدينه نصر
ولسه من كام يوم كان في خبر انهم مستثمرين فلوسهم في شركه الفرسان بتاعت العربيات الي طلعو نصابين دول
وخبر تاني انهم عاملين عرض ملشيات في جامعه الازهر
دا غير اتصالاتهم بأمريكا الي كل شويه تطلع
وجم قالو كفاية وشايفينكم وحركات جامده وكان ايه النا هتقطع الدنيا
من كام يوم 30 واحد من قيادي كفاية سابوها لانها محققتش اهدافها وبعدت عنها
وحاجات كتير كتير زي كده
من صحف واحزاب واشخاص كلهم صوتهم عالي علي انهم معارضه
بس للاسف انا شايف اهم مش اكتر من هياكل معارضه مش معارضة حقيقية
احنا زي ما بندعو لاصلاح الحكومه
لازم كمان ندعو لوجود معارضه حقيقية
لازم يكون في قوى همها مصلحة البلد والشعب مش مجرد شعارات للوصول للسلطه
وساعت ما هيوصل اي تيار منهم مش هيختلف عن الموجود بل ممكن يكون اسوء
كمان المشكله اننا كشعب سايبين العمليه وسايبين كل واحد يقول كلمتين يضحك بيهم علينا ونصقف ليه
في حاجة اسمها ارادة الشعب ....
اذا الشعب يوما ارد الحياة ...... لابد ان يستجيب القدر
ارجو الرد على الموضوع
الثلاثاء يناير 23, 2007 2:33 am